Адрас райвыканкама:
222531 Мінская вобласць, г. Клецк, пл. Маякоўскага, 10

Тэлефон прыёмнай:
(8-01793) 50-4-87

Факс: (8-01793) 50-6-39

E-mail: isp@kletsk.gov.by


Адзіны тэлефонны нумар
даведачнай службы "Адно акно":

142
Уязны знак у горад
Уязны знак у горад
Галоўная / Навіны / Навіны рэспублікі
25 лютага 2021

Экспарт беларускай сельгаспрадукцыі ў Казахстан у 2020 годзе вырас больш як на 20 працэнтаў

Экспарт беларускай сельгаспрадукцыі і прадуктаў харчавання ў Казахстан у 2020 годзе вырас больш як на 20 працэнтаў. Аб гэтым паведаміў міністр сельскай гаспадаркі і харчавання Беларусі Іван Крупко ў час пасяджэння сумеснай беларуска-казахстанскай рабочай групы па выпрацоўцы перспектыўных напрамкаў двухбаковага супрацоўніцтва ў галіне сельскай гаспадаркі, перадае карэспандэнт БЕЛТА.

"Двухбаковае супрацоўніцтва паміж нашымі краінамі дынамічна развіваецца і прыносіць свае станоўчыя вынікі. Так, у 2020 годзе тавараабарот сельгаспрадукцыі і прадуктаў харчавання паміж Беларуссю і Казахстанам вырас у 1,2 раза да 2019 года і дасягнуў $307,2 млн. Экспарт склаўся ў суме $289,9 млн (рост больш як на 20 працэнтаў). Нашы краіны маюць патэнцыял для далейшага стабільнага росту тавараабароту і замацавання пазітыўнай тэндэнцыі ва ўзаемным гандлі", - сказаў Іван Крупко.

Бакі абмеркавалі пытанні гандлю прадуктамі харчавання, раслінаводства і жывёлагадоўлі, ветэрынарыі, племянны і селекцыйны напрамкі. "Беларусь зацікаўлена ў развіцці ўзаемадзеяння з Казахстанам у сферы АПК, у тым ліку ў пастаўках абсталявання для будаўніцтва малочнатаварных ферм, - падкрэсліў міністр. - Акрамя таго, развіццё аграпрамысловага комплексу немагчыма без падрыхтаваных, кваліфікаваных спецыялістаў. Сёння ідзе закупка тэхнікі, укараненне новых тэхналогій, таму актуальныя пытанні перападрыхтоўкі кадраў".

Дэлегацыя з Казахстана ў бліжэйшыя дні наведае беларускія сельскагаспадарчыя і прамысловыя аб'екты, правядзе перагаворы па пытаннях узаемадзеяння ў галіне АПК.

БелТА